PHILEMON

Philemon

CHAPTER 1

Paul Addresses Philemon

1Παύλος δέσμιος χριστού Ιησού και Τιμόθεος ο αδελφός Φιλήμονι τω αγαπητώ και συνεργώ ημών 2και Απφία τη αγαπητή και Αρχίππω τω συστρατιώτη ημών και τη κατ΄ οίκόν σου εκκλησία 3χάρις υμίν και ειρήνη από θεού πατρός ημών και κυριού Ιησού χριστού 4ευχαριστώ τω θεώ μου πάντοτε μνείαν σου ποιούμενος επί των προσευχών μου 5ακούων σου την αγάπην και την πίστιν ην έχεις προς τον κύριον Ιησούν και εις πάντας τους αγίους 6όπως η κοινωνία της πίστεώς σου ενεργής γένηται εν επιγνώσει παντός έργου αγαθού του εν υμίν εις χριστόν Ιησούν 7χάριν γαρ έχομεν πολλήν και παράκλησιν επί τη αγάπη σου ότι τα σπλάγχνα των αγίων αναπέπαυται διά σου αδελφέ

Paul's Appeal for Onesimus

8διό πολλήν εν χριστώ παρρησίαν έχων επιτάσσειν σοι το ανήκον 9διά την αγάπην μάλλον παρακαλώ τοιούτος ων ως Παύλος πρεσβύτης νυνί δε και δέσμιος Ιησού χριστού 10παρακαλώ σε περί του εμού τέκνου ον εγέννησα εν τοις δεσμοίς μου Ονήσιμον 11τον ποτέ σοι άχρηστον νυνί δε σοι και εμοί εύχρηστον ον ανέπεμψα 12συ δε αυτόν τουτ΄ εστι τα εμά σπλάγχνα προσλαβού 13ον εγώ εβουλόμην προς εμαυτόν κατέχειν ίνα υπέρ σου διακονή μοι εν τοις δεσμοίς του ευαγγελίου 14χωρίς δε της σης γνώμης ουδέν ηθέλησα ποιήσαι ίνα μη ως κατά ανάγκην το αγαθόν σου η αλλά κατά εκούσιον 15τάχα γαρ δια τούτο εχωρίσθη προς ώραν ίνα αιώνιον αυτόν απέχης 16ουκέτι ως δούλον αλλ΄ υπέρ δούλον αδελφόν αγαπητόν μάλιστα εμοί πόσω δε μάλλον σοι και εν σαρκί και εν κυρίω 17ει ούν εμε έχεις κοινωνόν προσλαβού αυτόν ως εμέ 18ει δε τι ηδίκησέ σε η οφείλει τούτο εμοί ελλόγει

Philemon's Debt

19εγώ Παύλος έγραψα τη εμή χειρί εγώ αποτίσω ίνα μη λέγω σοι ότι και σεαυτόν μοι προσοφείλεις 20ναι αδελφέ εγώ σου οναίμην εν κυρίω ανάπαυσόν μου τα σπλάγχνα εν κυρίω 21πεποιθώς τη υπακοή σου έγραψά σοι ειδώς οτί και υπέρ ο λέγω ποιήσεις 22άμα δε και ετοίμαζέ μοι ξενίαν ελπίζω γαρ ότι διά των προσευχών υμών χαρισθήσομαι υμίν 23ασπάζονταί σε Επαφράς ο συναιχμάλωτός μου εν χριστώ Ιησού 24Μάρκος Αρίσταρχος Δημάς Λουκάς οι συνεργοί μου 25η χάρις του κυρίου ημών Ιησού χριστού μετά του πνεύματος υμών αμήν
Copyright information for ABGk